TOTONNO E GIUANNE

Assettate ncoppa ‘na panchina ‘o lungomare,

duje vicchiarielle

chiacchiareino  guardanno  ‘o mare:

s’allicordano ‘e tiempe passate, ‘e tiempe belle.

Po’ uno dice a l’ato:

T. -  “Cara Giuanne,

comm’è cagnata  chesta società!

Tu  ‘o ssaje,

tengo tre figli (nu masculo e doje femmene)

mo, fa 'nu  mese ca nun ce veneno a truvà, 

eppure stamm’abbicine,  dint’  ’a stessa città.

Ma, nun veneno.

Mah!  forze tenene tropp’ ‘a fa’…

ci amma accuntetà, Giuà”!

G.-  “Totò … tiene arraggione!

Pure pe mme è  ‘a stessa situaziona!

A nuje,  sulo quanno teneno abbesuogno

nce chiammano:

- Papà,  nuje tenimma  ‘a fa’

  pìgliate ‘a piccerella e portela a passià…

- papà,  ‘a criatura nun sta bbona,

  nuje, ‘o ssaje,  amma faticà,

  dincelle, subbeto pure, a mammà,

  t’arraccumanno, nun te scurdà!

… Nun te scurdà … te fanne sentere

 cchiù  biecchie e nzalanuto  ‘e comme sì!

'Na vota, no,  nunn’era, nunn’era accussì!

Totò … i’ cerco ‘e nun ce penzà,

'na vota …  ‘o nonno,  ‘o zio,  ‘a mamma  e  ‘o  pate

erano vulute bbene … erano rispettate… amate.

Mo’,  chi  te vene a vedè

si tiene abbesuogno  ‘e nu bicchiere d’acqua?

Si si sazzie o si ddiune, si si bbive o si si muorto,

cheste so’ ccose, ca nun interessano cchiù a nisciuno!” 

T. -  “ Giuà, si si bbive, o, si si mmuorto, 

che te ‘mporta, sempe t’hanna truvà

e po’ ngrazianno a Ddio, nuje,

nun nce putimmo  lamentà,

pecchè tenimm’ ancora ‘a mugliera

e stamme belle pulite e assistemate!

Penza, nu poco,  a chilli povere disgrazziate

ca so’ sulo sulo,  senza nisciun’assistenza

 e hanna tenè tanta, tanta pacienza

e cu ttutte ‘e sufferenze, c’hanna fa’?        

… S’hanna rassignà! S’hanna accuntentà

d’ ‘a carità  pe’ campà”!

G. - “Speramme ‘e nun tenè abbesuogno maje,

pecchè, overamente, so’  guaie gruosse assaje!

Simme vicchiarielle e nci amma tenè nuie stesse  cura.

‘A vicchiaia, è ‘overo,  si si sulo, fa paura”!

T. - “Ma nuje, tenimmo ancora  ‘e mugliere noste, 

ca cu tutt’ ‘e difiette ca ponn’avè,

so  femmene ‘e  na vota, ca te fanno,

sempe, sèntere  'nu rre!

Servite e riverite,  a nnuje marite,

nun ce fanno mancà proprio  niente,

ce dann’ ‘o core e certe vvote nun simme cuntiente”!

TOTONNO E GIOVANNI

Seduti su una panchina al lungomare,

due vecchierelli

chiacchierano  guardando  il mare:

si ricordano dei tempi passati, dei tempi belli.

Poi uno dice all’altro:

T. -  “Caro Giovanni,

com’è cambiata  questa società!

Tu  lo sai,

ho tre figli (un maschio e due femmine)

ora, fa un  mese che non ci vengono a trovare, 

eppure stiamo vicini,  nella stessa città.

Ma, non vengono.

Mah!  forse hanno troppo da fare …

 ci dobbiamo accontentare, Giovanni”!

G.-  “Totò … hai ragione!

Pure per me è  la stessa situazione!

A noi,  solo quando hanno bisogno

ci chiamano:

- Papà,  noi abbiamo  da fare

  prendi la piccolina e portala a passeggiare …

- papà,  la creatura non sta bene,

  noi, lo sai,  dobbiamo lavorare,

  diglielo, subito pure, a mamma,

  ti raccomando, non ti scordare!

… Non ti scordare … ti fanno sentire

più  vecchio e rimbambito  di come sei!

Una volta, no, non era, non era così!

Totò … io cerco di non pensarci,

una volta …  il nonno, lo zio, la mamma e il padre

erano voluti bene … erano rispettati … amati.

Mo’,  chi  ti viene a vedere

se hai bisogno  di un bicchiere d’acqua?

Se sei sazio o sei digiuno, se sei vivo o se sei morto,

queste sono cose, che non interessano più a nessuno!” 

T. -  “ Giovanni, se sei vivo, o, se sei morto, 

che t‘importa, sempre ti devono trovare

e poi’ ringraziando Dio, noi,

non ci possiamo  lamentare,

perché abbiamo ancora la moglie

e stiamo belli puliti e sistemati!

Pensa, un poco,  a quei poveri disgraziati

che sono soli soli,  senza nessuna assistenza

 e debbono avere tanta, tanta pazienza

e con tutte le sofferenze, che possono fare?        

… Si devono rassegnare! Si devono accontentare

della carità  per campare”!

G. - “Speriamo di non aver bisogno mai,

perché, veramente, sono guai grandi assai!

Siamo vecchierelli e dobbiamo avere di noi stessi cura.

La vecchiaia, è vero,  se sei solo, fa paura”!

T. - “Ma noi, abbiamo ancora  le nostre mogli, 

che con tutti i difetti che possono avere,

sono  donne di  una volta, che ti fanno,

sempre, sentire  un re!

Serviti e riveriti,  a noi mariti,

non ci fanno mancare proprio  niente,

ci danno il cuore e certe volte non siamo contenti”!